Хан: Некој друг наместо ЕУ се обидува да се наметне на Балканот

by fokus 19:11
19:11

Ако попуштиме во посветеноста на Балканот, некој друг би можел да се наметне и тој некој тоа веќе се обидува да го направи, порача европскиот комесар за соседска политика и проширување, Јоханес Хан во обраќањето на Универзитетот Принстон.

-ЕУ е најдобрата опција, но сите мора да бидат подготвени да играат. Локалните лидери на Западниот Балкан мора да вложат напори и да го продолжат напредокот. Лидерите мора да покажат политичка волја наместо да играат политички игри. Потребно е да спроведат вистински реформи на терен, посебно во областите на владеењето на правото и конкурентноста што може да ги загрози деловните модели на поединци, но стратешки не постои алтернатива и граѓаните тоа го знаат. Замислете каде би била сега Полска или балтичките земји да не беше проширувањето во деведесеттите години на минатиот век, изјави Хан.

- Advertisements -

Според него, во регионот на Западен Балкан важно е да се одржи кредибилна и цврста европска перспектива на пристапување на ЕУ за да има потпора за стратешка стабилност и реформи, истакнувајќи дека мигрантската криза покажала дека регионот е веќе енклава внатре во ЕУ.

Поврзани новости