Хан: Македонија и Србија сами го решија проблемот во брза постапка

by Фокус 13:44
13:44

Дипломатскиот проблем меѓу Македонија и Србија се појави и беше решен така брзо што немаше потреба од вклучување на Европската унија, изјави еврокомесарот за соседска политика и проширување на ЕУ Јоханес Хан на денешната прес-конферфенција во Драч.

– Секако дека би сакал да се запознаам подобро со причините за овој проблем, но добро е што веќе постои доверлива врска меѓу лидерите на двете земји и тоа што остварија брз телефонски разговор – рече Хан.

- Advertising -

Тој го посочи како позитивен начинот на кој беше решен проблемот што, според него, покажува дека постои позитивен развој во регионот и се надева дека ќе продолжи и во иднина.

– Првиот разговор меѓу двајцата лидери покажува дека постои самодоверба кај политичарите за надминување на овие прашања и моето очекување е дека ваквите работи се настани од минатото – додаде Хан.

Поврзани новости