Грујевски и Бошковски ќе ја поминат Нова Година во затворот во Солун

Одлуката за екстрадиција на Горан Грујевски и Никола Бошковски, Судот во Солун ќе ја објави на 5 јануари 2018 година, потврди за МИА нивниот адвокат Петар Василев.

Соопштувањето на одлуката е одложено затоа што не бил обезбеден преведувач на македонски јазик, нешто на кое што инсистирале адвокатите на обвинетите.

Освен за екстрадицијата, Грујевски и Бошковски имаат уште два други процеса во Грција, независни еден од друг. Едниот е за фалсификуваните пасоши со кои беа фатени на солунскиот аеродром. Судењето по три одложувања ќе се одржи на 17 мај следната година. Другиот случај е по поднесеното барање за азил на 29 ноември.

Грујевски и Бошковски во меѓувреме остануваат во притвор во близина на Солун.