Груевски се пронајде во мисла на Иво Андриќ: Мизерен е оној кој мора некого да понижи, за да се издигне самиот себе

Истекува рокот до датумот на кој екс премиерот, Никола Груевски, треба да се јави на издржување на затворската казна која му е одредена во предметот „Тенк“. Тој денеска на својот фејснбук профил постираше мудра мисла на нобеловецот, Иво Андриќ, која можеби го доловува неговото духовно расположение.

„Мизерен е оној кој мора некого да понижи, за да се издигне самиот себе“, гласи максимата на Андриќ во која се пронашол Груевски.

Тој во четврток треба да се јави во затворот во Шутка на издржување на казната затвор, а утре собраниската Комисија ќе расправа за предлогот да му се одземе мандатот поради недостојност за извршување на функцијата.