Премиерот Никола Груевски денеска, по пуштањето во употреба на новата опрема во ГОБ „8 Септември“, рече дека последниот извештај од ММФ покажува дека Македонија е во петте најниско задолжени земји и дека странските инвестиции ќе отворат нови 30 илјади работни места.
-Тоа е валоризација на работата на Владата и демаскирање на лажната слика која ја претставувала опозицијата дека власта ја презадолжува земјата, дека ќе има крах, дека долгот е екстремно висок, рече денеска премиерот Никола Груевски.
Тој додаде дека од особена важност било тоа што ММФ го потенцира делот со странските инвестиции.
-Во тој дел укажуваат на успешноста на владините политики и прогнозираат дека од странските инвестиции ќе следи отворање на нови 30 илјади работни места. Значи, тоа веќе не го кажува Владата, туку ММФ, рече Груевски.