Груевски доцнеше, лидерската средба почна со 40 минути задоцнување

Започна лидерската средба на која претседателите на четирите партии потписнички на договорот од Пржино треба да констатираат дали се исполнети условите за одржување на фер избори и доколку се, да дефинираат датум.

Но, наместо да започне во 13:30 часот за кога беше закажана, средбата почна до задоцнување од 40 минути, бидејќи толку доцнеше претседателот на ВМРО-ДПМНЕ, Никола Груевски.

Тројцата лидери на партиите СДСМ, ДУИ и ДПА, Зоран Заев, Али Ахмети и Мандух Тачи пристигнаа на време и чекаа да пристигне лидерот на ВМРО-ДПМНЕ.