Свесни сме дека не може да победи кандидат Албанец само со поддршка од албанските партии. Победа може да донесе заеднички кандидат на двете најголеми заедници во земјава, рече пратеникот, Артан Груби, по вчерашниот Централен совет на ДУИ каде официјално беше потврдена поддршката за Стево Пендаровски како претседателски кандидат.
Како што рече Груби поради ова ДУИ не ја поддржала кандидатурата на Блерим Река, зад која застанаа Алијанса за Албанците и БЕСА.
„Господинот Ахмети истакна дека тој самиот и ДУИ не постапуваат според дневни политички стандарди туку со стратегија, цел и долгорочна визија, рационално и без популизам, во корист на заедницата која ја претставува и во корист на сите граѓани“, изјави Груби, пренесе ТВ21.
На вчерашното заседавање на Централниот совет на ДУИ донесена е одлука изборниот штаб на партијата да го раководи потпретседателот Изет Меџити.