Десетте пратенички потписи кои ДУИ вчеравечер одлучи да му ги даде на Зоран Заев за добивање мандат за состав на нова влада, се само само од формален карактер и не значи дека се согласност за коалиција.
Шефот на кабинетот на партијата, Артан Груби вели дека потписите ги дале за да ги запазат роковите и дека за нив најважни се барањата од албанската платформа.
-За нас, отсекогаш по значајна беше содржината а не формата. Содржината ги подразбира сите Албански барања и достигнувања, додека формата претставува давање на потписи или и учество во влада. По постигнувањето на целосно и безусловно исполнување на нашиот предлог закон за Албански јазик како и сите елементи од заедничката Албанска Декларација, потписите се само формалност.
Значајно за нас е да ги исполниме барањата и очекувањата на Албанците, додека учеството во Влада или поддржување малцинска влада ќе се разледува дополнително затоа што првенствено и најбитно за нас беше да се постигнат албанските барања како апсолутен предуслов – напиша Груби на Фејсбук.
ДУИ викендов ќе преговара за тоа дали ќе бидат дел од новата влада или ќе се повлечат во опозиција. Со одлука, рекоа ќе излезат до понеделник.