Сите нерегуларности на веб страната на ДИК можат да се пријават до полноќ

by Фокус 15:42
15:42

Сите граѓани кои не ја искористиле можноста да пријават нерегуларности на податоците во Избирачкиот список на веб страната, ќе можат тоа и понатаму да го направат преку подрачните одделенија и канцеларии на Државната изборна комисија, информираат од таму.

– Државната изборна комисија известува дека од вечерва на полноќ, опцијата за пријавување на неконзистентни записи во Избирачкиот список на веб страницата на Државната изборна комисија ќе биде затворена, затоа што е потребно време ДИК пристигнатите пријави соодветно да ги обработи, да ги спореди со податоците од вкрстените проверки и да утврди кои од пријавените случаи треба да бидат предмет на теренска проверка – се наведува во нивното соопштение.

- Advertisements -

Од ДИК ја известуваат јавноста дека извештајот за добиените резултати од вкрстените проверки, ќе го разгледа на јавна седницата во среда, по што ќе започнат подготовки и активности за спроведување на теренската проверка.

 

Поврзани новости