Граѓаните да поднесат претставка до Народниот правобранител доколку им е прекршено некое право при Пописот

Народниот правобранител Насер Зибери ги информира граѓаните дека активно ќе го следи процесот на спроведување на Пописот 2021 година, за целиот период на неговото времетраење и тоа од 1 март до 21 април.

За таа цел секој граѓанин кој смета дека му е прекршено некое право може да поднесе претставка по електронски пат на адресата contact@ombudsman.mk.

Народниот правобранител по поднесената претставка ќе ја спроведе потребната постапка и за исходот ќе го информира подносителот.