Графолог од МВР ќе го вештачи потписот на сведокот, во чие име гласал некој друг

by fokus 22:02
22:02

Државната изборна комисија повика графолог од Министерството за внатрешни работи да го вештачи потписот на Фатиме Сулејмани, која тврди дека во нејзино име гласал некој друг.

Сулејмани, но и членовите на Општинска изборна комисија во Гостивар од спорното избирачко место, тврдат дека дошла да гласа, било утврдено дека на нејзиното место во избирачкиот список веќе имало потпис.

- Advertisements -

За да утврдат дали нејзиниот потпис се совпаѓа со тој во избирачкиот список и во нејзината лична карта, на жената во ДИК и било кажано да се потпише на бел лист хартија.

Членовите на ДИК по расправијата околу автентичноста на нејзиниот потпис, свикале графолог да пресуди.

Ова е осмиот приговор на БЕСА и единствениот за кој ДИК прифати да расправа. За разгледување допрва остануваат приговорите на СДСМ. Крајниот рок на ДИК за одлучување за приговорите истекува на полноќ.

Поврзани новости