Градоначалникот Курто Дудуш ќе се вози во нов „цитроен“ со задни светла со 3Д ефект

Курто Дудуш, градоначалникот на општина Шуто Оризари, се поднови со два нови службени автомобили „Citroen C3 Feel“ и „Citroen C4 Catus Feel“, за кои општината издвои над 32.000 евра.

Договорот за набавка на автомобилите бил склучен на 23 јули, а денеска беше објавен на сајтот на Бирото за јавни набавки. Според договорот автомобилите се набавени преку оперативен лизинг од Друштво за трговија и услуги АВТОНОВА ДОО експорт-импорт Скопје.

Меѓу стандардната опрема, купувачот барал автомобилите да имаат и задни светла со 3Д ефект.