Град Скопје: Во буџетот се предвидени многу капитални и инфраструктурни објекти

by Фокус 13:49
13:49

Откако кординаторот на советничката група на опозицискиот СДСМ, Дамјан Манчевски обвини дека со усвојувањето на Буџетот на Град Скопје, 14.000.000 евра ќе бидат потрошени на раскош, луксуз, фонтани, споменици и барокни фасади, со екпресна реакција се јавија и од Град Скопје. Тие тврдат дека градоначалникот Коце Трајановски присуствувал на седницата и дури им се обратил на советниците.

– Не е вистина дека овој Буџет е против интересите на граѓаните. Градот Скопје изминативе години сите буџети и програми за работи ги прави заедно со граѓаните во насока на решавање на сите проблеми со кои се соочуваат. На отворен и транспарентен начин, изминативе 30-на дена, градоначалникот Трајановски со претставници на администрацијата и јавните претпријатија, ги посети сите десет општини каде одржа средби со градоначалниците, претставниците на општинските администрации, со граѓаните и претставниците од урбаните и месните заедници. На овие средби се дискутираше за потребите на граѓаните на Скопје и голем број од нивните предлозите се вметнати во буџетот и Програмите за работа на Градот Скопје и јавните претпријатија – се наведува во нивната реакција.

- Advertising -

Од таму додаваат дека Буџетот на Град Скопје за 2015 година е балансиран и во него се предвидени голем број на капитални и инфраструктурни објекти, кои се во насока на подобрување на животниот стандард и квалитетот на живот на населението.

 

 

Поврзани новости