Град Скопје тврди дека нема поврзаност со концертот на „Бјело дугме”

by fokus

Град Скопје ја демантира веста дека легендарниот екс Ју бенд „Бјело дугме” ќе пее на плоштадот Македонија во Скопје, по повод Денот на ослободувањето.

Веста дека на 17-ти ноември, наместо на 13-ти, кога е официјално и празникот на градот, скопјани ќе можат да уживаат во концертот на Бреговиќ, Бебек, Исламовиќ и Војичиќ, првично беше објавена во повеќе портали на 15-ти, месецов.

Денес, во разговор за „Фокус” истата ја потврди и Васка Јанковска, вокалистка и долгогодишна соработничка на Бреговиќ, по што беше објавена и во „Фокус“.

-Да, сигурен е концертот, истиот беше договорен кога пред извесно време Бреговиќ гостуваше во Струмица. Настанот е намерно поместен на 17-ти, поради одржување на друг концерт на 13-ти ноември. Ова е одлична можност за добра забава со безвременските хитови на „Бјело дугме” за сите генерации – вели Јанковска.

Сепак, од Град Скопје тврдат дека немаат никаква поврзаност со настанот и најверојатно станува збор за приватна организација на концертот.

Поврзани новости