Град Скопје ќе ги чисти трагите од Шарената револуција

Град Скопје од утре почнува со чистење на шаренилото со кое демонстрантите ги обележуваат спомениците од проектот „Скопје 2014-та”.

Од таму информираат дека веќе анажирале фирма за одржување и чистење на спомениците.

Градските власти викендов ќе организираат чистење на спомениците во паркот „Жена борец“ и на плоштадот „Македонија“.

Изминативе денови пак, група жени се собираа пред офарбаните споменици и со сунгерчиња и детергенти се обидуваа да ги исчистат трагите од протестите, но не успеаја.