462
Основното јавно обвинителство Гостивар поведе постапка против едно лице за кое постои основано сомнение дека извршило полов напад врз дете кое не наполнило 14 години.
Осомничениот во повеќе наврати во текот на годинава извршил полови дејствија врз детето на неговата невенчана сопруга.
Случајот, по добиените определени сомнежи и сознанија, бил пријавен од службени лица од Центарот за социјални работи во Кичево.
Надлежниот обвинител до судијата на претходна постапка поднел предлог за определување притвор имајќи ја предвид тежината на стореното кривично дело за кое е пропишана казна затвор од најмалку 12 години.