Гласач има и на адресата на американската амбасада во Скопје

Мирко Антовски е гласачот кој наводно живее на адресата на која се наоѓа американската амбасада во Скопје. На улицата Самоилова број 21 на која е сместена амбасадата логично е дека не може да живее и гласач. Овој пример само потврдува во каков хаос е Избирачкиот список и дека на ДИК навистина и е неопходна прецизна и квалитетна методологија за да го прочисти. Пречистен список е еден од главните услови за фер избори. Од неговото прецизирање зависи и датумот на одржување- дали до 5 јуни ќе се создадат услови за избори?