Гинисов рекордер – тинејџер на 17 години е повисок од највисокиот НБА играч!

by Fokus

Канадскиот кошаркар Оливие Риукс настапува на турнирот во чест на Дражен Петровиќ во хрватскиот град Шибеник. Неговата висина се издвои меѓу соиграчите и ривалите бидејќи тинејџерот кој има само 17 години е висок 231 сантиметар.

Со таа висина го држи Гинисовиот рекорд за највисок тинејџер.

Риукс веќе беше висок 157 сантиметри во градинка. Неговиот татко Жан-Франсоа е висок 203 сантиметри, а неговата мајка Ана е висока 188 сантиметри.

За потсетување, во рамки на програмата на кошаркарскиот ден „Сеќавање на Дражен“, како и одбележување на 30-годишнината од неговата смрт, во Шибеник се игра меѓународен турнир за репрезентација до 20 години.

Заедно со Хрватска, од среда до петок таму ќе настапат и репрезентациите до 20 години на Црна Гора, Чешка и Канада.

Поврзани новости