Г7 се согласи да ги координира истрагите за воените злосторства во Украина

by Fokus

Министрите за правда на земјите од Г7 денеска се согласија да создадат мрежа за координирање на истрагите за воените злосторства во Украина.

– Судската истрага за злосторствата извршени во Украина ќе трае со години, можеби дури и со децении. Сепак, ние ќе бидеме добро подготвени и ќе (работиме) колку што е потребно, изјави германскиот министер за правда Марко Бушман.

Земјите од Г7 ќе се погрижат во секоја земја да има централен национален пункт за контакт за гонење на меѓународни злосторства, рекоа министрите за правда во заедничката изјава по нивниот состанок во Берлин, на кој присуствуваа и специјални обвинители од Меѓународниот кривичен суд, државниот обвинител на Германија Петер Франк и украинскиот министер за правда Денис Маљуска.

Бушман, во изјава за медиумите, рече дека ова ќе овозможи информациите за доказите и правните барања да бидат споделени меѓу земјите и меѓународните организации.

Тој ја поздрави денешната средба како прва од ваков вид во историјата на Г7.

Поврзани новости