ФРОДЕМ: Ново парламентарно мнозинство да го суспендира распуштањето на Собранието

by Фокус 16:19
16:19

ФРОДЕМ денеска ги повика партиите во Собранието да вложат напори за создавање на ново парламентарно мнозинство, заради спречување на како што велат тие, продлабочување на политичката и државната криза со цел за спас на сопствената веќе предвидлива иднина.

-Новото парламентарно мнозинство до утре вечер ќе треба да ја суспендира неуставната, неделовничката и неетичката одлука за одложено распуштање на Собранието, да и изгласа недоверба на постојната влада и да изгласа нова техничка влада која ќе ги спроведе изборите кои ќе бидат закажани во оној момент кога ке бидат исполнети сите неопходни услови за одржување на кредибилни и веродостојни избори, се наведува во соопштението.

- Advertisements -

ФРОДЕМ ги повика сите членови на ВМРО ДПМНЕ да не подлегнуваат на притисоците на партиската врхушка за учество во, како што велат, монструозни режирани сценарија за спас на туѓа кожа.

-Членството и симпатизерите на ВМРО ДПМНЕ не смеат да дозволат да биде доведен во прашање кредибилитетот и дигнитетот на партијата, а државата да биде доведена на работ на опстанок заради заштита и одбрана на лични интереси. ВМРО ДПМНЕ не е Груевски или било кој член на врхушка. ВМРО ДПМНЕ е Македонија, се вели во соопштението на ФРОДЕМ.

Поврзани новости