(ФОТО) Слаба раздвиженост во Крушево во пресрет на Илинден

by Fokus

Крушево се подготвува за најголемиот празник на градот, Илинден, но, оваа година празникот ќе изостане без вообичаена прослава овој ден.

Ако во изминатите години имаше и културни манифестации и концерти, овојпат тоа ќе помине само со протоколарниот дел на споменикот „Македониум“, каде вечерва ќе се обрати првиот човек на градот, Томе Христоски.

Раздвиженоста низ градот е слаба и невообичаена кога станува збор за овој празник. Присутни се најчесто домашни туристи, за разлика од претходните години кога параглајдеристи од странство и земјава, престојуваа низ текот на целото лето и се одржуваа различни натпревари во параглајдеризам.

Вчера попладне пристигна и коњаницата во градот, кој овие месеци трпи големи загуби во туризмот поради кризата предизвикана од корона вирусот.

Текст и фото: Јорданчо Цветаноски

Поврзани новости