Фирмите полесно до кредити од комерцијалните банки преку Државната гарантна шема, најави Бесими

by Fokus

Државата ќе гарантира за фирмите полесно да можат да земат комерцијални кредити во банките. Државната гарантна шема треба да започне до крајот на годината, најави министерот за финансии Фатмир Бесими на средба со стопанствениците во Economic Chamber of Macedonia Стопанска комора на Македонија.

Како што објави на ФС на Министерството за финансии со 10 милиони евра државна гаранција ќе се гарантираат неколкукратно повисока сума кредити, заеми за малите и средни претпријатија. Гарантната шема ќе оди преку Развојната банка, додека средствата ќе се пласираат преку комерцијалните банки.

Бесими посочи дека со оваа мерка ќе се подобри ликвидноста на компаниите, ќе се олесни можноста за компаниите да ги спроведуваат тековните активности, но и ќе се поттикне инвестициската активност, која е суштинска за раздвижување и ревитализација на економијата.

Поврзани новости