Финансова полиција денеска на прес ќе информира за апсењето на Доневски

На пладне се очекува Управата за финансиска полиција да одржи прес конференција на која ќе информира предистражната постапка во која вчера беше уапсен поранешниот директор на Службата за општи и заеднички работи Васе Доневски. Најавено е на прес конференцијата да се обрати директорот на Управата за финансиска полиција Арафат Муареми.

Според неофицијални информации Доневски се сомничи за злоупотреба на службената положба и овластување. Со предистражната постапка се опфатени повеќе лица.

Доневски беше разрешен од новата Влада во јули годинава и на негово место беше назначен Пеце Мирчески од СДСМ.