752
Министерот за здравство Венко Филипче денеска уште еднаш апелираше до граѓаните да ги почитуваат мерките, бидејќи, како што рече, болничките капацитети се преоптеретени.
-Ова е тежок и комплексен период, да ги почитуваме мерките за заштита од Ковид-19, да нема групирање на повеќе од четворица на јавните места. Капацитетите на болниците се преоптеретени, како и медицинскиот кадарот, рече Филипче.
Прашан за шпекулацијата за воведување на полициски час, министерот рече дека засега не се планира ваква мерка.
-Засега нема да има полициски час, односно доколку се почитува и новата мерка за забрана од групирање, нема да има потреба, рече Филипче.