Филипче за „Фокус“: Нема заболен од коронавирус во Македонија!

by fokus

Министерот за здравство, Венко Филипче, вечерва во изјава за „Фокус“ ги демантираше шпекулациите дека има случај на заболен од коронавирус во Македонија.

Тој вели дека лично проверил и нема лице заболено од коронавирус. Повика да не шират шпекулации кои предизвикуваат паника.

Претходно денеска, Министерството излезе со низа превентивни мерки кои вклучуваат: Засилена контрола на сите гранични премини на патниците кои доаѓаат од критичните региони во северна Италија, обезбедување простор за изолација на патници во неколку медицински центри низ земјава и формирање кризен штаб во Министерството за здравство што ќе ги координира сите активности на надлежните институции.

Патниците, пак, кои денеска со два лета од Милано пристигнуваат во Скопје и во Охрид ќе бидат детално инервјуирани, прегледани и по потреба тестирани.

Обезбедени се простори за изолација на патници кои треба да бидат мониторирани 14 дена, и во прво време тоа ќе бидат инфективните одделенија во Штип, Велес и Гостивар, кои ќе бидат обезбедувани од полицијата.

 

Поврзани новости