Филипче очекува до крајот на летово да стекнеме колективен имунитет

by fokus

Министерот за здравство Венко Филипче очекува до крајот на летото да се вакцинира бројка на граѓани која би значела колективен имунитет на населението.

-Во овој момент се вакцинирани нешто под 300 илјади граѓани и до крајот на летото верувам дема ќе се постигне процент за којшто може да кажеме дека е колективен имунитет. Секако не знаеме како ќе влијаат мутациите на корона вирусот, делта сојот, но според икуството што ми го пренесе амбасадорот на Кина со делата сојот, таму и покрај интензивната вакцинација има заболени, но со лесна клиничка слика, изјави Филипче.

Викендов се очекува да пристигнат 500.000 кинески дози од „Синовак“, како и значителна количина на Фајзер преку механизмот Ковакс, кои следниот понеделник ќе бидат распределени во осум центри за вакцинација. Вакцинацијата сега е забавена, но од следната недела Филипче најавува дневно да се вакцинираат од 15 до 20 илјади граѓани.

Поврзани новости