Нема простор за паника од корона вирусот во земјава, но ќе се преземат превентивни мерки, така што од утре ќе се скенираат со термална камера патниците на летовите од Истанбул и Дубаи, кои имаат вска со регионот во Кина каде е жариштето на овој вирус – ова е заклучокот на Комисијата за заразни болести што го соопшти министерот за здравство Венко Филипче.
-Ние немаме директна комуникација и директни летови со овој регион, тоа значи дека луѓето кои би дошле евентуално од таму се веќе неколкупати скенирани на другите аеродорми. Ние ќе преземеме мерки на превенција и веќе од утре за летови од Истанбул и Дубаи, кои имаат врска со овој регион во Кина, патниците ќе се скенираат со термална камера – изјави министерот.
Тој потенцира дека нашиот аеродром согласно последните евалуации е оценет на највисоко ниво и, како што рече, ги задоволува највисоките стандарди на детекција, рано препознавање и рана изолација доколку кај пацинетите потенцијални заразени се најдат вакви симптоми.
-Станува збор за вирус што дава многу слични симпотми на грипот. Може да помине со лесна средна форма, но и тешки форми како што еве веќе предизвикаа смрт кај пациенти заобоелни од овој вирус. Потенцирам дека тоа се пациенти кои се постари со намален имунитет и пациенти што имаат хронични заболувања – рече Филипче.