Филипче најави повисоки плати за сите вработени во јавното здравство

by Fokus 11:55
11:55

Министерот за здравство Венко Филипче најави зголемување за пет отсто на платите за сите вработени во јавно-здравствените установи. Во денешното гостување во емисијата „Утрински брифинг“, Филипче истакна дека покачувањето ќе биде и за медицинскиот, и за немедицинскиот персонал вработен во здравствените установи.

-Тоа што денес треба да го утврдиме со Синдикатот е зголемувањето на платите за 5% на сите коишто се вработени во здравствениот сектор. Покачување на платите ќе има и за здравствени работници, и нездравствени работници и тоа треба да започне од месец март. Покачувањето е од овој месец односно на мартовската плата којашто се исплаќа во месец април, изјави Филипче.

- Advertisements -

Од Министерството за здравство посочуваат дека во континуитет се инвестира во човечки ресурси, освен зголемување на платите на здравствените работници и останатите вработени во јавно здравствените установи, во услови на ковид пандемија се реализираа 446 нови вработувања во јавното здравство. Со новите вработувања и зголемувањата на платите, се создаваат услови секој млад здравствен работник својата иднина и кариера да ја гледа во својата земја, наведуваат од МЗ.

Поврзани новости