Филипче: Можеби звучи малку, но платите на здравствените работници ќе се зголемат за пет отсто

by fokus 14:06
14:06

Министерот за здравство, Венко Филипче, на денешната прес-конфереција информираше дека е договорено зголемување на платата на здравствените работиници за пет отсто.

„Зголемувањето ќе започне да се применува со исплатата на септемвриската плата и тоа значи реализација на уште една точка на програмата за работа на оваа Владата на Република Македонија. Со потпишувањето на оваа спогодба од Министерството за здравство и Самостојниот синдикат за здравство, фармација и социјална заштита на Република Македонија, ќе се зголеми основицата за пресметување на плата за вработените од 12.654 на 13.286 денари“, рече Филипче.

- Advertisements -

Како што посочи Филипче, оваа Влада работи на враќање на дигнитетот на здравствените работници, иако на прв поглед како што вели, можеби ова зголемување е мало, но најави дека ќе дојдат подобри времиња за лекарите и останатите работници во здравството

„Ние огромно внимание посветуваме на враќањето на дигнитетот на здравствените работници. Можеби звучи малку, меѓутоа тоа е само еден дел од нашата многу широка програма како ќе ги зголемиме примањата на на сите вработени во јавното здравство“, додаде министерот за здравство.

Поврзани новости