Филипче: Мобилната болница ќе биде целосно во функција до крајот на неделата, но се уште нема потреба од тие капацитети

Министерот за здравство Венко Филипче на денешната прес конференција соопшти дека мобилната болница ќе биде целосно во функција до крајот на неделата, но се уште нема потреба од користење на нејзините капацитети.

-На Клиниката за инфективни болести се лекуваат 54 пациенти. Четворица се критични, а 20 имаат потреба од кислородна маска.
Се поставуваат креветите во мобилната болница, завршено е  греењето и ладење. До крајот на неделата целосно ќе биде во функција, но се уште нема потреба од тие капацитети. Капацитетот на Клиниката е 50 посто исполнет, рече Филипче.