Фестивалот на современ грчки филм и култура од 24 до 28 октомври

by Fokus

Во киното Милениум ќе бидат прикажани 6 прилично нови долгометражни грчки играни и документари филмови. Програмата ја направеа двајца грчки филмски автори, Димитрис Захос и Христос Каракепелис и ја отсликува грчката продукција во последната декада.

Филмовите ја отсликуваат грчката општествена стварност, проблемите на обичните луѓе, а се и еден вид на пресек што се случува во грчката филмска продукција последните години.

Годинава ќе се одржи и специјалниот концерт на еден од најпознатите грчки музички бендови во последните години, бендот на Фоивос Деливоријас, кој ќе одржи концерт во клуб ресторанот МКЦ на кој ќе свират филмска музика од познати грчки филмови.  Фоивос Деливоријас, еден од најпознатите и најомилени грчки композитори и текстописци во неговата земја. Тој ќе претстави 15 познати песни и мелодии од грчки филмови, раскажувајќи расказ за секој од нив во исто време.

Фоивос  Деливоријас во овој потфат е придружуван од Нефели Фасули (Вокал), Андонис Сусамоглу (виолина), Гиоргос (Giorgоргос) Кацанос (клавијатура).

„Целта на овој културен настан е прв чекор во однос на зближувањето и запознавањето на двете земји, нашите културни сличности и разлики. Ова е начин да се види како живеат луѓето во Грција, од другата страна на границата. Запознаен  сум со фактот дека луѓето од Северна Македонија многу често одат на одмор во Грција, но сметам дека тоа е малку за овие две земји да се запознаат и здружат, бидејќи едно е кога туристички ја посетувате земјата, а друга е кога одблизу ќе го видите секојдневниот живот, обичаи и култура“ заклучува Константинос Прокакис од Aмбaсадата на Грција.

Поврзани новости