557
Федералното истражно биро (ФБИ) објави фотографии на дел од лицата кои во средата влегоа во Конгресот во обид да го спречат официјализирањето на изборните резултати според кои Џо Бајден е новиот претседател на САД. ФБИ се обрати до американската јавност да помогне и да ги пријави напаѓачите доколку ги забележи.
Дел од оние кои упаднаа во Конгресот веќе се уапсени. Меѓу нив е и 60 годишниот Ричард Барнет од Арканзас кој ја „окупираше“ канцеларијата на спикерот на Претставничкиот дом, Ненси Пелоси.
Истрагата е обемна, а лицата по кои се трага може да бидат обвинети за низа дела за кои се предвидени долгогодишни затворски казни.