ЕУ размислува оние кои не се вакцинираат сами да си го плаќаат лекувањето

Хрватскиот министер за здравство, Вили Берош, во изјава за хрватскиот портал „N1“, изјавил дека ЕУ веќе размислувала оние што ќе одбијат да се вакцинираат против коронавирус, самите да ги сносат трошоците за лекување.

Според него, Хрватска ќе премине на нов пристап кога станува збор за популаризација на вакцинацијата, кој ќе вклучува задолжителни предавања и едукација за сите лица, вакцинирани и невакцинирани.

-Во Европската унија веќе се размислуваше оние кои одбиваат да бидат вакцинирани да ги сносат трошоците за лекување. Во Хрватска, ние не одиме во таа насока. Државата ќе плати за нивното лекување, но зошто нашите парите да одат за третман на некој што можел да се заштити? рече Берош.