ЕУ: Престанете со нападите врз Јанева и со заплашувањата

by Фокус 19:17
19:17

Европската унија денеска преку ново соопштение ги повика партиите  да соработуваат со специјалната јавна обвинителка, да прекинат со напади врз ова независно тело и да престанат со заплашувања врз јавни функционери чија што задача е да ги подготват изборите.

-Подвлекуваме дека сите политички партии се согласија за именувањето на Специјалната обвинителка и тие сега треба да покажат конструктивна соработка со неа и нејзината екипа и да се воздржат од напади врз ова независно тело. Пржинскиот договор ги обврза потписниците на структурни реформи, вклучително и оние во однос на изборите, како мерки кои треба да донесат поголена медиумска слобода, ревидиран изборен список и примена на препораките на ОБСЕ-ОДИХР. Овие реформи се неопходен услов за да се има услови за кредибилни избори на 24 април, стои во соопштението од ЕУ.

- Advertisements -

ЕУ, во согласност со САД, вели дека тие поставиле повеќе критериуми кои ќе ги употребат за да видат до каде се подготовките за изборите.

-ЕУ, заедно со САД, ја повторуваат неопходноста за кредибилни избори и потсетуваат дека тие поставија редица критериуми кои ќе бидат искористени за оценување на подготовките за изборите”, вели ЕУ и потсетува дека е понудена техничка помош и друга поддршка за македонските институции за да се создадат услови за фер избори, се вели во соопштението.

Поврзани новости