ЕУ е свесна дека треба да помага во реконструкцијата на Украина

by fokus 18:27
18:27

Министрите за европски прашања на ЕУ денеска разговарале за сите начини на кои можат да и помогнат на Украина и како ЕУ да одигра улога по војната, јави дописничката на МИА од Брисел.

Денешниот Совет за општи работи на ЕУ вонредно го водеше чешкиот министер за европски прашања, Микулаш Бек, поради реизборот на владата во Франција.

Министрите во Брисел се согласиле дека ќе продолжи ЕУ да ја поддржува Украина финансиски, а дискусиите на оваа тема ќе продолжат идниот понеделник и вторник на вонредниот лидерски самит на ЕУ.

Свесни сме дека мораме да одиграме улога во реконструкцијата на Украина, и да продолжиме да праќаме помош, изјави Бек.

Потпретседателот на Европската Комисија, Марош Шефчович рече дека мора брзо да се донесат одлуки за натамошна макрофинансиска помош за Украина. Се очекува лидерите на ЕУ идната недела да и дадат зелено светло на Европската Комисија да позајми пари на светските пазари.

Во однос на реконструкцијата на Украина, Шефчович изрази надеж дека лидерите идната недела исто така ќе даде позитивен сигнал за платформата за реконструкција што ја планира Европската Комисија и која треба да работи рака под рака со другите меѓународни партнери за долгорочна повоена помош за Украина.

Поврзани новости