Вељаноски за сега не оди во притвор, Комисијата не му го симна имунитетот

by fokus 22:12
22:12

Со четири гласа „за“ и четири „против“ собраниската Комисија за деловнички и мандатно-имунитетни прашања ја заврши расправата за имунитетот на пратеникот, Трајко Вељаноски, за кој Обвинителството побара притвор поради неговото учество во организирањето на упадот во Собранието.

Претседателот на собраниската Комисија, Павле Богоевски рече дека со ваквото гласање Комисијата донела одлука дека нема конкретен став за истото.

- Advertisements -

-Тоа не значи дека е одбиено и не значи дека се препорачува негово прифаќање. Оваа тема на расправа ќе биде пренесена за одлучување на пленарната седница како што секогаш се прави. На крајот на денот за имунитетот не одлучува Комисијата, туку Собранието во целина. Тоа што нема одлука не значи ниту дека ќе биде прифатено ниту дека ќе биде одбиено барањето за одземање на имунитетот – рече Богоевски.

Според него пратеникот на ДУИ кој не беше присутен на денешната расправа поради што се овозможи еднаков број на гласови „за“ и „против“, отсуствувал поради здравствени причини.

-Не се сомневам во веродостојноста на проблемите со здравјето на колегата – рече Богоевски.

Поврзани новости