Трамп е дебелокожец, изјави американскиот амбасадор во Лондон

Доналд Трамп ќе го посети Лондон во јули, и покрај најавите за демонстрации, изјави американскиот амбасадор во Велика Британија Вуди Џонсон и додаде дека претседателот на САД е „дебелокожец“.

– Повеќето политичари не се ангажираат како него и затоа е толку критикуван. Но мислам дека на крајот на краиштата луѓето почнуваат да сфаќаат дека оди во вистински правец, рече Џонсон.

– Тој (Трамп) е дебелокожец и сигурно доаѓа во Лондон, додаде американскиот амбасадор.

После најавата дека Трамп на 13 јули ќе престојува во работна, а не официјална посета на Велика Британија, противниците на политиката на американскиот претседател најавија демонстрации против посетата.