СДСМ најави градинка во Волково со капацитет за 175 деца

СДСМ најави дека наскоро ќе започне изградбата на нова детска градинка во населеното место Волково, која ќе има капацитет за 175 деца.

-Она што го ветивме пред две години, денес станува реалност. По потпишувањето на Договорот со Министерството за труд и социјална политика, Волково добива нова, најсовремена детска градинка со капацитет од 175 деца. Со ова се надминува долгогодишниот проблем со недостаток на градинки во овој дел од општината, но и позитивно ќе се влијае врз унапредување на квалитетот на живот на граѓаните на Волково, Ново Село, Кисела Јабука и Стопански двор – изјави денеска Мирослав Наумоски, претседател на ОО СДСМ Ѓорче Петров.