ЕК ги повикува мигрантите да се вратат во камповите во Грција

Европската комисија денеска ги повика мигрантите, кои се собрани кај Идомени да се преместат во законските бегалски кампови низ Грција.

По вчерашните инциденти, и денеска околу 200 бегалци повторно се собираат пред заштитната ограда на македонско-грчката граница.

Дел од нив се качени на железнички товарен вагон, а поголемиот број ги имаат опколено трите полициски автобуси кои се поставени како барикада крај пругата.