Единствена Македонија: Зоран Заев како најголем измамник заслужено да ја добие наградата 1 април – Денот на лагата

by fokus

Зоран Заев без конкуренција е човекот кому треба по повод 1-ви април, Денот на лагата, да му се додели награда за кажување лаги и обидот да ги натера луѓето да веруваат во неговите измислици, велат од „Единствена Македонија“.

Како што додаваат од партијата, Заев излажал дека ќе има едно општество за сите и избришал се што е македонско.

„Зоран Заев успеа дури од невозможното да направи возможно претворајќи се самиот во двојна личност, односно, Заев да кажува а Зоран да демантира или Зоран да кажува а Заев да демантира.

Денешниот ден е ден на Зоран Заев и неговите лаги. Се што кажа марионетата Заев купен и контролиран од странски центар излажа.

Да се потсетиме на неговите антологиски лаги: Заев вети дека нема да го менува уставот, а го направи спротивното. Зоран излажа дека никој нема да му чепка во македонштината, а избриша се што е македонско, го избриша името, идентитетот, историјата и традицијата на македонскиот народ. Заев лажеше и дека доаѓа едно општество за сите а општеството дојде за него и врхушката на власт, токму како премиер Заев прво што направи си зема лиценца за дрога од што ќе заработува околу 100 милиони евра годишно, неговиот заменик Кочо Анѓушев секој ден го фаќаат со тендери, бугарашот Никола Димитров си додели стипендија на ќерката од 40.000 евра во Холандија, пратеници, владини советници, градоначалници на СДСМ добивале стотици илјади евра од Фондот за иновации како во самопослуга, вработувања само за деца на функционери од СДСМ. Меѓу последните лаги на Заев е дека повеќе нема пречка за членство на Македонија во ЕУ, но, денеска токму на денот на Заев – 1 април стигна изјава од Киријакос Мицотакис кој најверојатно ќе биде новиот грчки премиер, дека Грција ќе стави вето за членството на Македонија во ЕУ .

Тоа е Зоран или Заев сеедно, лага до лага, кои за негова жал повеќе не поминуваат кај македонскиот народ и поголем дел од граѓаните на Република Македонија. Во секое зло, добро. Честит 1 – ви април Зоране Заев, најголемиот изманик во поновата македонска историја. Респект!“, додаваат од „Единствена Македонија“

Поврзани новости