Партијата Единствена Македонија вечерва најави дека утре во грчката амбасада ќе достави писмо до грчкиот премиер Алексис Ципрас во кое ќе му укаже зошто не треба да „влегува во авантура со Заев во Софија за промена на името и идентитетот“.
-Единствена Македонија на 15 мај 2018 (вторник) во грчката амбасада во Скопје ќе го предаде писмото до грчкиот премиер Алексис Ципрас за причините зошто не треба да влегува во авантура со Зоран Заев на средбата во Софија за некаков договор за промена името и идентитетот. Изјава на претседателот на Единствена Македонија Јанко Бачев пред грчката амбасада во 13 ч. каде ќе биде споделено писмото до медиумите кое по дипломатски пат преку грчката амбасада се доставува до Ципрас, се вели во соопштението од партијата.