Двегодишно дете во денешната статистика на починати од Ковид

by fokus 17:28
17:28

Министерството за здравство информира дека во денешната статистика на починати како последица од Ковид 19  ќе биде заведено двегодишното дете кое починало на Клиниката за детска хирургија во Скопје.

Станува збор за дете кое имало неколку тешки заболувања. Пред една година врз малиот пациент биле направени повеќе операции,  имало тумор на мозок, хидроцефулус и вродена непроодност на цревата.

- Advertisements -

-Детето имало и проблеми со срцевиот ритам, застој во растот, проблеми со дишењето. Пред пет дена детето 15 минути пред полноќ изгладнето и дехидрирано било донесено на Клиниката за детска хирургија. Од згрижувачкото семејство на лекарите и медицинскиот персонал не им биле дадени никакви информации за здравствената состојба на детето. Немало температура но било малаксано, дехидрирано и слабо реагирало на дразби. Поради критичната состојба, лекарите веднаш пристапиле кон интензивно лекување. Лабораториските анализи покажале анемија и влошени параметри како последица на болестите кои ги имало. И покрај сета дадена терапија, состојбата на детето се влошувала. Поради ковид протоколите, на малиот пациент му бил направен ковид тест и истиот бил позитивен, информираат од Министерство за здравство.

Поврзани новости