Две лица кои веќе биле во изолација се позитивни на Ковид-19 во Тиквешијата

Два нови случаи на корона вирус денес се регистрирани во Тиквешијата, од кои еден во Кавадарци и еден во Неготино.

Според Центар за јавно здравје Кавадарци, пациентот од Неготино има 39 години, додека од Кавадарци е на возраст од 32 години.

-Станува збор за лица кои неколку дена наназад се во изолација, бидејќи имале контакт со веќе позитивни пациенти, кои се членови на нивните семејства. Во добра здравствена состојба се, остануваат на домашно лекување, а се работи на утврдување на нивните контакти – појаснуваат од центарот.

В.К.