Двајца затвореници се истепале во кумановскиот затвор

Затвореник со тешки повреди бил донесен во болницата во Куманово, откако физички се пресметал со друг затвореник во кумановскиот затвор.

„Во Полициска станица Куманово, вчера во 22:40 часот вработен во КПУ Затвор „К’шање” во Куманово пријавил дека дошло до нарушување на јавниот ред и мир со физичка пресметка помеѓу двајца затвореници, С. С. (30) од с.Ропаљце – Липково и М. М. (25) од Куманово, пo што С. С. бил пренесен во Општата болница Куманово, каде му биле констатирани тешки телесни повреди. За настанот е известен Јавен обвинител, а увид на местото на настанот извршила увидна екипа од СВР Куманово. Се преземаат мерки за расчистување на случајот“, велат од МВР.