632
Полицијата вечерва уапсила двајца државјани на Камерун кои со себе имале фалсификувани банкноти во вредност од речиси милион евра, потврдуваат од МВР за „Фокус“.
Како што неофицијално дознаваме, лицата допатувале со лет од Милано, а фалсификуваните пари ги криеле во багажот.
Од МВР го потврдуваат апсењето на фалсификаторите односно дека Одделот за сузбивање на организиран и сериозен криминал работи на случајот во координација со Јавното обвинителство, а детална информација најавуваат за утре.
К.С.Б.