Дури 47 од патниците во превртениот автобус побарале лекарска помош

by Фокус 12:56
12:56

Вкупно 47 од патниците кои се превезувале со автобусот на ЈСП, број 67, кој утрово се преврте во Драчево, побарале лекарска помош. Дваесет и девет биле примени во болница за хирушки болести „Св. Наум Охридски“, од кои една 50- годишна жена е задржана на понатамошно лекување. Од останатите патници, четворица помош побарале во Градската болница „8 Септември“, 14 на Ургентен центар, од кои еден од патниците поради скршеница на носот е задржан на лекување на Клиниката за уво, нос и грло.

Автобусот со број 67, марка „Санос“ сообраќал на линијата Транспортен Центар – Зелениково. На влезот во Драчево, се превртел во паркот, во близина на автобуската постројка.

- Advertisements -

Од ЈСП истакнуваа дека допрва ќе се утврдуваат причината за несреќата.

-Постојат три можности за несреќата. Брзо возење, технички проблеми или нешто му излетало на улицата. Увидот треба да покаже што точно се случило. Автобусот има техничка документација дека е технички исправен, изјави Мишо Николов, директорот на ЈСП.

 

Поврзани новости