ДУИ: Роднина на Таравари гради куќа на спортски терен

by fokus 12:42
12:42

На простор на кој се предвидени спортски терени во Гостивар, се издигнува дивоградба, а изведувач е близок роднина на градоначалникот Арбен Таравари, изјави денеска подпретседателот на огранокот на ДУИ – Гостивар, Башким Хасани.

Според него Таравари од една страна камуфлира акции за рушење на диво изградени објекти, додека во реалност го стимулира урбанистичкиот криминал и градбата на бесправни објекти

- Advertisements -

„Загрижени поради овој урбанистички каос што е создаден од дивоградбите, жителите ја изразуваат нивната загриженост дека се бетонираат површините за спорт и рекреација со објекти за живеење. Со непревземањето на законски инспекциски мерки на терен, подразбираме дека Таравари го подржува и охрабрува урбанистичкиот каос“, рече тој.

Според него Таравари не ги извршува законските обврски и свесно ја злоупотребува службената должност за материјални придобивки за себе и за своите блиски роднини.

„Таравари декларативно се залага за развој на спортот, но во реалноста со овие негови дела ја уништува иднината на секој млад човек и на секој жител на оваа населба, како и на сите жители на Општина Гостивар. Го повикуваме Арбен Таравари да го прекине годишниот одмор започнат од денот кога е избран за Градоначалник на Општината, да го прекине летниот одмор започнат со започнувањето на летото и да го прекине неговиот ангажман како лекар спротивно на сите етички, морални и законски  норми, и да почне да ја извршува должноста за која е избран“, порача Хасани.

Тој го повика градоначалникот со неговиот тим да почнат да изработуваат Детални урбанистички планови и да им овозможат на граѓаните да градат согласно законските правила, а не да го стимулира, како што рече, урбанистичкиот каос .

„Со ова, тој ги лаже граѓаните овозможувајќи им да прават инвестиции и градби кои ќе останат без регулиран правен статус.  Со ваквото дејствување на Таравари, на крај, најголеми губитници ќе бидат граѓаните на кој што ваквите инвестиции ќе им пропаднат“, изјави тој.

Поврзани новости