ДС: Ги осудуваме изјавите на Иванов за амнестија на тие што учествуваа во дестабилизација на државата

by Fokus 10:52
10:52

Демократскиот сојуз ги осудува изјавите на Ѓорге Иванов за амнестија на тие што учествуваа во грабежот и дестабилизација на државата, како и неаргументираните напади на амбасадорот на Германија.

– Наместо создавање клима за внатрешна кохезија и прифаќање на подадената рака од ЕУ и НАТО, за повторното отворање на можностите за продолжување на евроатланските процеси, како и поддршката за економска и финансиска стабилизација, Ѓорге Иванов, упатува критика до Германија, држава која е наш силен и највлијателен подврзувач. Граѓаните се определени за промени, правда и стабилизација – се наведува во партиското соопштение.

- Advertisements -

Од таму тврдат дека промените се во тек и никој не може да ги блокира, а одговорноста никој не ќе може да ја избегне, ниту Ѓорге Иванов. Според нив, “прочистувањето” да започне од таму од каде што смрдат работите, а не од опашот.

 

 

Поврзани новости