Дождливо и ветровито време, снег на Шапка, Маврово и Стража

by fokus 08:06
08:06

Во земјава денеска ќе преовладува облачно време со врнежи од дожд кои ќе бидат пообилни во југоисточните делови каде се очекуваат и ретки грмежи и засилен ветер.

На планините врнежите ќе бидат од снег и ќе се зголеми снежната покривка. Снег ќе има и на повисоките населени места во западните делови. До крајот на денот врнежите ќе престанат. Минималната температура ќе биде во интервал од 1 до 8, а максималната од 5 до 11 степени.

- Advertisements -

Во Скопје претпладне ќе биде облачно со врнежи од дожд, а попладне врнежите ќе престанат и облачноста ќе се намалува. Ќе дува слаб ветер од северозападен правец. Минималната температура ќе се спушти до 3, а максималната ќе достигне до 8 степени.

Преодно стабилизирање на времето ќе има во вторник, а веќе во следните денови ќе биде променливо облачно со повремени врнежи од дожд, а на планините ќе врне снег. Повремено врнежи од снег ќе има и на некои повисоки места претежно во западните делови. Врнежите на места ќе бидат пообилни, а на планините снежната покривка ќе се зголемува.

Сообраќајот на државните патишта се одвива непречено, по влажни коловози. Снег провејува на Попова Шапка и на планиските премини Маврово и Стража.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Поврзани новости