ДОМ на Лилјана Поповска бара оставка од јавниот обвинител Марко Зврлевски, сметајќи дека политичката криза бара итни мерки, за да се реши во институциите и да не се направи уште поголема штета за Македонија. Според нив, за ова е неопходен дијалог меѓу власта и опозицијата и договор за редоследот на потези.
– Сметаме дека разврската треба да почне со оставка на Јавниот обвинител, враќање на опозицијата во Парламентот и избор на нов обвинител, со консензус на сите политички партии во Парламентот. Потоа треба да се водат паралелно два транспарентни процеса: судски и парламентарен преку анкетна комисија.Инсистираме да се започне со Јавниот обвинител, зашто тој треба да биде главна фигура во судската разврска, човек со интегритет и стручност, во кој ќе имаат доверба сите политички субјекти и најшироката јавност – се наведува во соопштението од ДОМ.